Accidente na Sta. Marta entre SUV y auto di famia

Sta. Cruz – Diahueps mainta 8:15 dos auto a dal casi frontal riba e kaminda di Sta. Marta na momento ku un SUV y un auto di famia a topa otro net na e labado pabao di e dam di Sta. Marta. Un SUV RHD Mitsubishi preto tabata bini di pazuid y e auto di famia Nissan Sentra tabata biniendo di panord. Debi na e impacto e SUV a bira rond bai zuid-oost (kasi pariba) bek y dal den un palo di kwihi pa despues bolter riba su banda. Tabata falta masha poco pa e SUV a kai den e dam di Sta Marta si no tabata pa un palo di kwihi cu e SUV a dal den dje y bolter riba su banda. Den e suv tabatin un mama hoben cu su yiu chikito cu no a hanja hopi sla. E shauffeur di auto di famia tambe a risibi algun sla den e impacto. Polis y cuater ambulance a presenta den tempo record pa duna asistencia na e heridonan y tranporta nan pa hospital. Daño material tabata considerabel.

Leave a Reply

Your email address will not be published. Required fields are marked *

*