Accidente entre Tercel y truck di delivery na Paradera, un persona a resulta herida

Paradera – Dialuna merdia pa mas o menos 2:50 un accidente semi frontal ta sosode na altura di Citgo Paradera. Na yegada di polis nan ta topa cu un truck di delivery y un Toyota Tercel.

Ariba e acera na banda un chauffeur hoben cu sla na su frenta, por a nota cu durante e impacto ela bay dilanti y dal su cabes den e windshield. Segun testigonan na e sitio e Tercel lo tawata acercando cu velocidad halto y pa un of otro motibo lo a bay haci un maniobra.

Pa mala suerte net e truck di delivery tawata yegando y no por a evita un impacto, caminda e Tercel ta dal semi frontal contra dje.

Ambulance a ser pidi na e sitio y na nan yegada ta prepara e hoben cu tawata na tino y a hibe pa hospitaal.

Leave a Reply

Your email address will not be published. Required fields are marked *

*