Accidente entre scooter y auto ta laga e motociclista cu pia fractura

Cumana – Diahuebs anochi 9’or pasa polis ta bay na e crusada di Caya Betico Croes cu Scopapelstraat, pa un accidente di scooter cu auto.

Ambulance tawata esun prome na e sitio y despues di algun minuut polis di trafico. Na e sitio di incidente nan ta topa cu un pick up ariba r crusada, indicando cu e la bay bira na su man robes, pa drenta Scopapelstraat.

Un tiki mas pariba, un homber drumi na banda di caminda y algun persona su rond.

Segun informacion haya na e sitio, e scooter a bay pasa y net e pick up a cuminsa bira na su man robes, causando asina cu e scooter ta dal contra e pick up.

Den e impacto e manehador di e scooter lo a fractura un pia. Ambulance a prepare y a transporte pa hospitaal.

Leave a Reply

Your email address will not be published. Required fields are marked *

*