Accidente entre auto y brommer, a laga motociclista herida atras

Santa Cruz – Dialuna anochi 11’or pasa un un accidente entre un brommer y un auto ta sosode na entrada di parkeer plaats di Taco Bell, situa na Santa Cruz.

Mirando cu ta trata di brommer y auto, ambulance tambe a cuminsa bay e sitio. Prome informacion tawata bisa cu e motociclista ta drumi ariba caminda y no tawata move, pero despues di un rato e lo a cuminsa reacciona.

Segun nos a compronde, brommer y auto tawata bayendo direccion zuid. E auto Hyundai, lo kier a bira of a bay pa drenta e parkeer plaats di Taco Bell, e momento ey e brommer a bay pasa y ta dal contra e porta di e chauffeur.

Ambulance cu a presenta na e sitio a transporta e motociclista pa hospitaal.

Leave a Reply

Your email address will not be published. Required fields are marked *

*