Accidente cu hende herida na Sero Pita, diahuebs anochi

Sero Pita – Diahuebs anochi laat den careda di 11:45, un accidente cu hende herida a sosode na Sero Pita.
Tawata trata di un Toyota Yaris y un Nissan Fuga.

Na e sitio nos a compronde cu e Yaris biniendo di Ayo, lo no a calcula e velocidad y of e distancia di e Nissan Fuga.
Cu consecuencia, e Nissan ta dal contra e Toyota bolter e, pa despues e Nissan sigui bay dal contra un palo di mata.

Ambulancenan cu a presenta a transporta esnan herida pa hospitaal.

Leave a Reply

Your email address will not be published. Required fields are marked *

*