Accidente basta fuerte entre bus di Fofoti Tours y Toyata Tercel na Wara Wara. Dos persona a resulta herida

Warawara – Diasabra anochi laat polis ta bay WaraWara unda un accidente di trafico a sosode y tin hende herida. Na e sitio nan ta topa cu un Tour Bus di e compania Fofoti cu basta pasahero. E bus lo tawata Tour na e parkenan di luz.  E accidente a sosode momento cu e bus tawata bay sali di Wara Wara. Brake di e bus a faya y tawata net na un bahada. Segun nos a compronde, e chauffeur a maniobra pa no bay drenta e cas su dilanti. Durante e maniobra ela reacciona kitando bay na su man drechi, aki ta caminda cu eta ranca un palo di luz por completo, y ta sigui bay topa cu un Toyota Tercel. Un impacto frontal hopi duro. Na yegada di polis di trafico a pidi presencia di ambulance y brandweer. Brandweer tawata pa habri e porta di e bus pa e pasaheronan por a baha. Na nos yegada ya ambulance a sali cu un herida direccion hospital, y un rato despues un otro ambulance a wordo pidi pa un persona cu tawata keha di dolor. Elmar a presenta pa e palo di luz cu a wordo ranca y cu na e momento eynan ainda tawata tin coriente ariba dje. Pues asina nos ta wak cu un Tour den bus pa mira e parkenan di luz a caba na un accidente basta serio. E compania a zorg pa un otro bus a yega pa por a comoda e grupo cu tawata den e bus cu a accidenta.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.