Accident serio cu tres heridos, caminda un dama chauffeur bou influencia a dal contra un autobus pone esaki bolter di banda

Savaneta – Diadomingo mey anochi pa mas o menos 12:20, polis a bay cu urgencia pa un accidente serio na altura di Citgo Savaneta.

Na yegada polisnan ta haya un autobus marca Toyota ariba su banda drechi. Den e autobus lo tawata tin pasahero e momento eynan.

Na e sitio nos por a compronde cu, e Seat Ibiza color blauw su chauffeur tawata bou influencia.
Tawata trata di un dama hoben, bayendo direccion San Nicolas.

E autobus bayendo Playa a haye confronta cu e Seat Ibiza ora ela cuminsa hala na su man robes.
Chauffeur di e autobus lo a maniobra pa trata na evita e impacto, pero no ta logra.

Mester bisa tambe, cu e caminda eynan ta un poco small y door di e acera halto e chauffeur mucho no por a haci.

Prome informacionnan tawata bisa cu, lo tin 4 hende pega y e chauffeur tambe ta herida.
Prome patruya cu a yega a constata cu tres persona a logra sali di e bus, pero lo tin un ainda pega den e bus.

E momento ey a pidi materiaalwagen di brandweer cu urgencia. Na nan yegada nan a yuda e persona sali.
Dos ambulancnan cu a yega na e sitio a transporta e heridonan pa hospitaal.

E dama bou influencia a wordo deteni y transporta pa warda.

“Aruba tin un problema grandi cu chauffeurnan iresponsabel, cu ta bebe alcohol y despues bay stuur keriendo cu nan por stuur bon.
Varios persona inocente por a perde nan bida durante e accidente aki”.

Leave a Reply

Your email address will not be published. Required fields are marked *

*