Accident cu brommer riba Sasaki, biker di hermana isla Korsou ta keda seriamente herida

Sasaki: Diadomingo algo prome cu 4’or y mey di marduga ta sosode un accident hopi serio riba e caminda di Sasaki, un poco pazuid di e rotonde nobo di hospitaal. Mesora ta manda polis y ambulance cu hopi urgencia na e sitio.

Na yegada nan ta bin compronde cu e biker aki ta procedente di Korsou y a bin Aruba pa celebra dia di Himno y Bandera. E biker tabata biniendo di pazuid y na dado momento e tire patras di e brommer a rementa y esaki a pone cu e biker a perde control, ranca un borchi trafico sak’e cu beton for di tera y a bay pega memey di algun hero di un borchi di propaganda. Algun amigo biker tabata biniendo su tras y nan a mira pida pida tire y parti di e brommer benta riba caminda y a nota cu nan amigo biker a accidenta. Un rato prome segun amigonan y nos por a wak e video tambe, caminda ela sali di Citgo Boulevard.

Polis mesora a cera e caminda pa trafico y despues cu a logra saca e victima for di memey di e heronan, personal di ambulance a stabilise y cu hopi urgencia a transporte pa hospital. Mirando cu ta un accident serio a cera e caminda cu lint y a pidi pa specialista di trafico bin haci mas investigacion.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.