A solicita un debate publico riba e tema di seguridad na nos fronteranan

Lider di fraccion di MEP, sr. Rocco Tjon:

A solicita un debate publico riba e tema di seguridad na nos fronteranan

Den nomber di fraccion di MEP, sr. Tjon a manda un carta solicitando un “Openbare Bijeenkomst” riba e tema di seguridad na nos fronteranan.

“OPENBARE BIJEENKOMST”

Minister di Husticia a informa Parlamento na varios ocasion riba desaroyo pa loke ta ilegalidad y su aspecto di seguridad. Sinembargo, mirando e ultimo sucedidonan, sr. Tjon ta haya importante pa debati riba e aspectonan aki durante un transmision publico. Specificamente a solicita e Minister pa bin Parlamento y informa Parlamento riba (1) su maneho preventivo pa frena e desaroyo actual (2) e controlnan na nos fronteranan y (3) e lazonan di trabao entre e departamentonan local y e departamentonan cu Marina Real.

META DI E DEBATE

E meta di e debate ta pa informa pueblo debidamente y yega na un formula pa frena e desaroyo actual. Specificamente kier debati tambe riba con Marina Real por wordo utiliza pa yuda den e situacion aki. Semper teniendo na cuenta e “gezagsrollen”, “info-positie”, “bevoegdheden y verantwoordelijkheden”.

PA CONCLUI

Sr. Tjon a termina bisando cu el ‘a compronde cu e proceso pa Aruba yega na su propio “walradar” ta finalizando. Esaki sigur lo percura pa eleva seguridad na nos fronteranan. Ta hopi lamentabel cu gobierno anterior a laga destrui e “walradarnan” na aña 2011.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.