250 EMPLEADO MAS DI INSELAIR TIN CU BAI CAS

 

WILLEMSTAD.- Un kantidat di 250 empleado mas di InselAir lo bai kas den kuadro di e plan di restrukturashon i stabilisashon di e kompania ku ta den implementashon. Manera e kompania ta n’e momentunan aki ku alrededor di 275 trahadó e lo hasi su operashon diario. Di e 550 hendenan ku tin, gerensia ta kere ku e kantidat ei lo tin di bai kas, aunke e ta algu ku por a antisipá riba dje. Esei EXTRA por a komprondé for di deklarashonnan di gerensia di e kompania ayera den un konferensia di prensa.
N’e momentunan aki gerensia di InselAir ta implementando e plan di stabilisashon pa e kompania, i pa fin di luna di aprel lo tin di kuminsá ku e plan komersial mes. Pues ta imperativo pa InselAir por sigui konta ku sosten di gobièrnu, ya ku e echo ku a pidi e periodo di grasia riba pago di debenan ta mustra ku ke salba e kompania. Pero ku lo a bai tin retiro esei tabata algu komprendibel.
Seguidamente sr. Gilles Filiatreault, CEO di InselAir, a splika ku a anunsiá ayera tambe na empleadonan ku lo tin di retirá un 250 hende. Pero esaki tabata un proseso interno den kual a pidi kada departamento pa hasi un revishon bou di e personal pa sa kiko t’e kantidat di hende nesesario pa operá kada departamento. Tur esaki di akuerdo ku e kantidat di oranan di trabou i e destinashonnan ku a keda i a base di e tamaño dje flota. Segun e gerente, esaki por ser konsiderá komo un paso serio, pero e ta parti di e proseso. Pa por operá InselAir manera e ta aktualmente, ku e kantidat di avionnan ku e ta bai usa, un kantidat di 275 ta sufisiente.
A surgi e pregunta, si e kompania ta sangrando ainda. Sr. Andre Delger, gerente finansiero (CFO) a duna komo kontesta ku tabatin un sangramentu fuera di kontrol. Na momentu ku Aruba a tene un kantidat di avion na tera, InselAir a hañ’é obligá di hür otro avionnan i tambe mester a kubri gastunan di pasaheronan ku a pèrdè vuelo òf mester a keda den hotèl. Pero awor ku e avionnan ta bèk na Kòrsou tin mas kontrol riba e sangramentu.
Es mas, no ta sin mas ta kita e 250 personanan ei i manda kas, ya ku mester hasi petishon na instansianan ofisial pa nan retiro, i esei por tuma un tiki tempu.

 

Fuente:

Leave a Reply

Your email address will not be published. Required fields are marked *

*