Contento di mira desaroyonan positivo na San Nicolas Renovacion di Uncle Louis Store a keda anuncia

Parlamentario di POR, Alan Howell:

Contento di mira desaroyonan positivo na San Nicolas

Renovacion di Uncle Louis Store a keda anuncia

Sr. Alan Howell, kende a bisa for di cuminsamento cu lo lucha pa bienestar di San Nicolas y vecindario a indica di ta hopi contento cu e anuncio cu minister Otmar Oduber a haci siman pasa pa loke ta edificio di Uncle Louis Store.

Parlamentario di POR a mustra na varios ocasion cu pa logra desaroyonan positivo pa San Nicolas, mester di hendenan cu amor di berdad pa pariba di brug y e como un di e personanan aki ta sinti su mes hopi satisfecho di mira e interes y deseo di trece cambionan pa mihor cu Gabinete Wever-Croes ta mustrando pa cu e area aki di pariba di nos isla.

Siman pasa Minister di Infrastructura, Otmar Oduber a anuncia cu gobierno a yega na un acuerdo cu Monumenten Fonds pa renoba e edificio conoci como “Uncle Louis Store”. Ta trata aki di un edificio net pabao di La Aruba cu sigur sigur ta trece bunita recuerdonan pa hopi y muy especial nos hendenan di pariba di brug.

Unavez e edificio finaliza e etapa di renovacion, e lo bira e oficina di Directie Natuur and Milieu, hibando di e forma aki departamentonan di gobierno pa e parti pariba di nos isla, creando mas actividad- y posibilidadnan di desaroyo di negoshi na San Nicolas.

Sr. Alan Howell ta gradici grandemente Gabinete Wever-Croes, minister Otmar Oduber  y Monumenten Fonds pa e confianza y interes cu nan ta depositando den San Nicolas.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.