Imaginacion di un mucha, a pone unidadnan di rescate bay den alerta pa un avioneta cu lo a baha of cay na Balashi

Balashi

Diabierna atardi pa mas o menos 3:45 melding lo a drenta cu for di Casa Cuna nan lo a wak un avioneta baha of cay, esaki lo mester a sucede segun nan patras di nan edificio, direccion  The Palm Island.

Mes ora a bati alarma y asina tur instancianan concerni a cuminsa move pa Balashi.

Mientrastanto varios informacion tabata keda drenta, pero mester bisa tambe cu nan tabata basta confuso. Pues ningun hende por a bisa exactamente kiko tabata pasando of a pasa.

Algun persona lo a bisa cu a wak un mancha preto den lagoen y tambe cu lo tin “bultonan”, di kiko niun hende por a bisa.

Imagennan di supuesto Avioneta cu a cay (3)

Maritiem politie mes ora a yega na e sitio hunto kustwacht. Nan a busca y busca, pero nada. Algun personal di brandweer y tambe di polis a subi boto di De Palm Tours, pa asina tira bista rond, pero sin wak ni avion y niun bulto.

Tambe a bisa cu tres pa cuatro persona lo a baha di e avion cu maleta den man, te cu nan a yega tera. Polisnan a busca rond pa tres persona cu maleta, sin ningun resultado.

Casa Cuna  Imagennan di supuesto Avioneta cu a cay (2)

Polis a bay Casa Cuna pa haya mas informacion y a bin haya sa lo sigiuente.

Un criatura cu ta keda na Casa Cuna lo tabata hunga pafo y lo a wak un avioneta staciona eybanda, cu destino pa wordo gesink pa atraccion turistico.  E criatura lo a core bay paden spanta y bisanan cu un avion a cay.

Asina e incidente aki a haya un bida, cu a pone tur hende move, keriendo cu un avioneta a cay. Loke hopi hende no a para keto y pensa tabata esaki, Air Traffic Control no a bati alarma cu lo por tabata tin un avioneta den problema, di dos niun hende a wak e pasa, di tres ningun sonido fuerte a ser scucha y si ela cay lo mester por a wak huma, loke no tabata tin tampoco. Danki Dios no tabata algo real.

Imagennan di supuesto Avioneta cu a cay (7) Imagennan di supuesto Avioneta cu a cay (6) Imagennan di supuesto Avioneta cu a cay (5) Imagennan di supuesto Avioneta cu a cay (4) Imagennan di supuesto Avioneta cu a cay (1)

Leave a Reply

Your email address will not be published. Required fields are marked *

*